Chin Christian Churches Fellowship (CCCF)
Delhi ah a ummi Khrihfabu paruk komh in "Chin Christian Churches Fellowship (CCCF)" tiah min bunh dirh a si cang.
CCCF chungah a ummi Khrihfabu hna cu:
1. Chin Christian Fellowship (CCF)
2. Lai Christian Church (LCC)
3. United Penticostal Church (UPC)
4. Chin Believers Church (CBC)
5. Zophei Christian Fellowship (ZPCF)
6. Delhi Chin Baptist Church (DCBC)
Hi bu dirhnak a ruang cu Delhi ummi ralzam (refugees) hna hi karh lei si ti loin zor lei kan panh chin lengmang caah Khrihfabu pakhat a rianttuannak ah zaangdam in a ttuan khawh nakhnga caah tiin dirhmi a si. Khrihfabu pakhat le pakhat hmunkhat te thil lianngan deuh tuah khawh nakhnga ca zong a si. Hmailei caan le bang ahcun Chinmi Khrihfabu hi hi CCCF nih funtom te seh ti saduhthahnak in dirhmi a si. Tinhmi tampi ngei in a dirmi bu a si.
2014 Kum chung Hruaitu hna cu:
1. Tial Peng (LCC) : President
2. Sang Vung Lian (CCF) : Vice President
3. Zung Lian Thang (CCF) : General Secretary
4. Mang Lian (CBC) : Assistant General Secretary
5. Za Cung Lian (ZPCF) : Finance Secretary
6. Kio Luai (CBC) : Treasurer
7. Chawng Ding Liana (UPC) : Member
8. Biak Nawl (UPC) : Member
9. Duh Cung (ZPCF) : Member
10. Bawi Cung (DCBC) : Member
11. Tial Than Bawi (DCBC) : Member
12. Van Uk (LCC) : Member
Hi ti hin upa te hna hi Khrihfabu pakhat cio chungin president le Secretary kha rak kai a si. Hi chungin hruaitu thim a si.
Tukum chung tuah dingmi tete saduhthahnak zong ngeih a si cang. Laimi kan pa Rev. M. Thawng Kam zong leadership training pek ding ah sawm dingin lungchung ah saduhthahnak zong an um cang.
Cun, Bu pakhat i hruainak ah cun Phunghram (Constitution) le Phunglam (Bylaw) zong ngeih a herh ti a si caah a tanglei minung hna hi Drafting Committee hna ah zapi hnatlaknak in thim an si. Cu ahcun Upa Zung Lian Thang nih Drafting Consitutuion and Bylaw kha paper a chuahpi lai i a tanglei minung hna nih an zoh hnuah tukum rianttuantu hna sinah chuahpi i zohtthan le fehter a si te lai.
Drafting Committe Hna:
1. Zung Lian Thang : Convener
2. Van Uk : Member
3. Rev.A. Ram Lian Khar : Member
4. Tial Than Bawi : Member
5. Rev. Benjamin : Member
6. Za Cung Lian : Member
Hna hi an si.
No comments:
Post a Comment